چۆنییەتی حساب کردنی سیستەمی کریدیت بۆ بەشەکان

لەساڵانی ڕابردودا وەزارەتی خوێندنی باڵا بۆ وەرگرتنی خوێندکاران لە زانکۆو پەیمانگاکاندا سیستەمێکی نوێی پەیڕەو کرد، ئەویش سیستمی کریدیت بوو کە جگە لە ‎کۆمەڵگەی پزیشکی (گشتی و ددان و دەرمانسازی) و زانستە پزیشکیەکان ( شیکاری نەخۆشی ‎بێھۆشکاری و زانستی لابوری پزیشکی و ھتد..) و پەیمانگا پزیشکیەکان (دەرمانسازی و پەرستاری و تیشک و ھتد..) سەرجەمیان بەشێوەی کریدیت بوو، دیار نیە ئەمساڵیش ئەو بەشانە بگرێتەوە یاخود نا. سیستەمی کریدیت چیە؟ ساڵانی پێشوو خوێندکاران کاتێک نمرەی پۆلی 12یان لە 7 وانە وەردەگرتەوە،پاشان تێکڕای هەموویان وەردەگرت لە نمرەی %100 حسابیان دەکرد .بەم شێوەیە بەشداری پرۆسەی زانکۆلاینان دەکرد. بەڵام لە سیستەمی کریدیت جیاوازە،لەو تێکڕای نمرەی پۆلی 12 تەنها %70ی حساب دەکرێت لە جیاتی %100، ئەو %30 دەمێنێتەوە دابەش دەکرێت بەسەر وانەی هاو پەیوەندیدار(هەر وانەکانی پۆلی 12ن) . #تێبینی٢:کەمترین کۆنمرەی وەرگیراو بۆپێشبڕکێ 65% بۆ کۆلێژ، 60% بۆ پەیمانگا. #تێبینی٣:وانەی هاو پەیوەندیدارەکان تاوەک و ئێستا وەزارەت بڵاوی نەکردۆتەوە لەماوەیەکی نزیک بڵاوی دەکاتەوە - ساڵی پێشوو جگە لە کۆلێژی پزیشکی(گشتی،ددان،دەرمانسازی) زانستە پزیشکیەکان (بێھۆشکاری و شیکاری نەخۆشیەکان و مایکرۆبایۆلۆجی و ھتد) وپەیمانگا پزیشکیەکان واتە (سەرجەم بەشە پزیشکیەکان) وهونەرە جوانەکان و وەرزش و شەریعە،سەرجەم بەشەکان بەسیستەمی کریدیت بوە. بەڵام ئەمساڵ تا ئێستا ھیچ ڕێنمایەک نەھاتوە کە چەند بەش لە خۆ بگرێت. - وانەی هاوپەیوەندی ئەو وانانەن کە پەیوەندی بەو بەشەوەیە کە خوێندکار بۆی دەچیت. بۆنمونە خوێندکارێک بەشی ئینگلیزی دەوێت وانەی هاوپەیوەندی بۆ ئەو بەشە ( حسابی نمرەی وانەی ئینگلیزی و عەرەبی و کوردی) دەکەن. لێرە بۆ بەشێک حساباتی کریدیت دەکەم کە سەرجەم بەشەکان بەو شێوە حساب دەکرێن بۆنمونە خوێندکارێک لە پۆلی 12 ئەم نمرانەی هێناوە کوردی 96 عربی 94 ئینگلیزی 89 بیرکاری 85 فیزیا 75 کیمیا 81 زیندەوەرزانی 80 -------------------- کۆنمرە=600 کۆنمرەی کۆتایی =85.71428571 ئەگەر ئەم خوێندکارە بیەوێت بۆ بەشی ئینگلیزی بچێت بەم شێوەیە حساباتی بۆ دەکەین سەرەتا ڕێژەی %70 وەرگرە بەم شێوەیە (کۆنمرەی گشتی * 70)/100 پاشان نمرەکە دابەشی 7 بکە بەم شێوەیە نمرەی 70% مان بۆ دەرەچێت (600*70)/100=420 420/7= 60 واتە ئێستا خوێندکار 60 لە 70 هەیە ***************** چۆنیەتی حساب کردنی %30 وانە هاوپەیوەندەکان وەک پێشتر باسمان کرد وانەی هاوپەیوەندی بۆ بەشی ئینگلیزی وانەکانی (کوردی و عەرەبی و ئینگلیزی) دابەشکردنی نمرەکان بەسەر وانەکان بەپێی بەشەکە دەگۆڕێت، لەم بەشە (ئینگلیزی %20 ،کوردی %5 ،عربی 5%) بەردەکەوێتن، ئەویش بەم شێوە حساب دەکرێت . (نمرەی پۆلی 12ی وانەکە *ئەو یەکەی بۆی دیاری کراوە)/100 پاشان سەرجەمیان کۆئەینەوە بەم شێوەیە 30% بۆمان دەر ئەچێت ئینگلیزی=(89*20)/100=17.8 کوردی=(96*5)/100=4.8 عربی=(94*5)/100=4.7 هەرسێکیان کۆکەینەوە دەکاتە 27.3 لە 30 پاشان ڕێژەی %70 +%30=%100 سیستەمی کریدیتمان بۆ دەردەچێت 27.3+60=87.3 واتە خوێندکار بۆ پێشکەش کردن بۆ بەشی ئینگلیزی نمرەی 87.3 بەم شێوەیە بۆمان دەردەکەوێت ئەم خوێندکارە سودی لە سیستەمی کریدیت وەرگرتوە چونکە نمرەکەی لە 85.7 بوە بە 87.3 #تێبینیەکی زۆر گرنگ :ئەوە لای خوێندکار رون بێت کە دوو خوێنکار ئەگەر ھەردووکیان ٩٠ ھێنابێت مەرج نیە وەک یەک بێت چونکە لە سیستمی کریدیت نمرەکانیان بەرز و نزم ئەکات وەک ئەو حساباتەی سەرەوە ئاماژەمان پێدا . تێبینی:ئەو ڕێبەریەی کە ساڵانە دەخرێتە بەردەم خوێندکاران جێگیر نیە،لەکاتی پرۆسەکە بەردەوام گۆڕان کاری تیا ئەکرێت... تێبینی:هەتاوەکو ئامادەکردنی ئەم بابەتە هیچ ڕێنمای و ڕێبەرییەک نەهاتووە بۆ ئەمساڵی خوێندن.